السلآآم علَيكم ورحمة الله وبركآته ,
ما نسيت المُدونة لا والله -_- بس ما كان يدخل من اول ما سافرت لليونآن ,
لآني ناسي الباسورد , ويطالبني بالدخول من جديد لان الدومين تحول إلى .Gc > مالت اليونآن ,
بس مادري شلون اليوم بالصدفة جذي دخل >_> قلت خل استلم الفرصة واكتب مُدونة قبل ما
ينتهي شهر فبراير -_- لان مو حلو ادون شيء مسويه من شهور ! , ولا شرايكم ._. ؟!
صارت وايد امور بهل 8 آيآم من جميع النوآحي , بتكلم فيها بشكل عادي ومو تفصيلي وشامل ^-^
صورة تُعبر عن السَفرة بالكامل بالنِسبة لي 3>
طبعًا انا ع اليَمين , وحمني اخوي ع اليسار ^.^
السفرة وايد مُمتعة والله استانست فيهآ وآيد وغيرت جَو فعلًا , جو بحَري , مَدينة هادية ..
طبعًا انا رحت اليونأن جزيرة كَريتي " اقريطش " , مَدينة هيركليون " او قَرية كبيرة تقدرون تقولون "
طبعًا انا رحت اليونأن جزيرة كَريتي " اقريطش " , مَدينة هيركليون " او قَرية كبيرة تقدرون تقولون "
بالبدآية طبعًا ع الطيران القطرية , من الكويت إلى قَطر , ومن ثم من قطر إلى اليونآن " اثينآ " و من ثم بعد هذا إلى الجزيرة ~
بالبدآية كنت كاره نفسي @_@" اول ما رحنا كان بليل و الجو مادري شلون ابد مو متأقلم وتعبآن >.> ! وانصدمت من المنظر وما تخيلت نفسي بقعد 8 أيام بجزيرة مثل هذي ==" , بس بعدين انصدمت وعرفت اماكن حلوة و اماكن الأسوقة والتجمعات للمدينة وهكذا , حسيت فعلًا حياتهم رائعة , بس بنفس الوقت بالأخير تضل دولة فقيرة , لكنها سياحية ولها وايد سُيآح من اوربا ,
اول شيء نبدأ بصورة بمطآر الكويت لي xD كنت وقتها قاعد من الملل عند الشحن واشحن ايفوني علشان استفيد اني ما اخسر
بطارية بالسفرة ._. نظرًا لان بطاريتي بسرعة تخلص ~.~ ..
خخخً طبعا من البداية حسيت بتعب لاني ما كنت نآيم ابد ._.
بعدين طرنأ ع طول من الكويت إلى قَطر , الساعة 5 الفجر تقريبًا ..
واول ما طارت الطيارة , نظرًا لان منطقة " غرب الجليب " منطقتي يم المطآر , ف المنطقة بانت بالكامل بأضواءها من الطيارة واحنا طايرين ^-^ ف صورتهأ .. شوفوا 3>
المنطقة إلي باللون الأخضر فوق البرتقالية xD
بعدين وصلنا مطار قطر , ما شاء الله كاان كبير , او بالأحرى مطار الدوحة ×_× "
حبيت منظر مَدينة الدوحة وطبعًا شايف لها صور وايد =/ ومبينة من بعيد وجنها تقول عمار صورني *^*
بس للآسف ما قدرت اصور عَدل , كان عندنا بس ساعة , باليالله دخلت حمام , وعطول رحنا للطيارة علشان نطير =/
وانا ياي بركب الطيارة , شفت منظر مدينة الدوحة جدامي , قلت لازم اصور ×_× , وانا ياي اصور ولا امي تتصل @_@ خربت كل شيء xDDD ف بعدين خلصت منها بأقل من 10 ثواني و حاولت اصور ع السريع بس ما ضبط >.> ويت شوفوا الصورة ..
مو مبينة وايد ومو واضحة بس عادي , اهم شيء اني صورت -.- يمُكن بالرجعة اصور صورة احسن واحلى =(
مآ يهم , المُهم بعدها ركبت الطيارة , 5 ساعات تقريبًا , وفيها معنى التعب بالكامل , ماني قادر انام ولاني قادر اسوي شيء -_- !
و وصلنا لمطار اثينا والحمد لله ,
جبال ع كيف كيفك وجو عجييييييييييييييب حده هوا بارد وشمس حارة , احلى شعور *^*
خذيت صورة ع السريع , بس كنت تعبان ف صورة كانت بايخة , بس ان بصمة اني كنت بأثنا
مع العلم ان هذي ثانية مرة اروح اثينا " ترانزيت " , اول مرة لما كنت صغير بالدينمارك ..
كح كح مبين ع ويهي التعب ._. اصلًا في صورة اخوي مصورني ياها لو تشوفونها بتموتون ضحك ع شكلي وانا ميت xDD
بعدين طلعنا طرنا ع طول من اثينا لجزيرة كريتي , الطيارة كانت 40 دقيقة , توني خدرت نمت ولا بسرعة اقوم @_@ قلت ليش الطيارة بسرعة ودي اكثر خل انام =( xD كنت تعبان حيل حيل حيل حيل ×____×" !
وصلنا بليل للجزيرة , وطبعًا اخذنا تكسي من المطار , كان ظلمة حيل , والتكسي ما شاء الله يدوس حيل ==" ف عطاني انطباع زفت عن المكان كله ! , كرهت المكان من التكسي قبل لا اوصل للفندق , وصلنا الفندق , طبعا ظلمة ومادري شلون المكان ×_× وما كان في نت , و سوالف بالفندق وازعاج كان لين غيرنا مكانا -_- , المهم نمت قمت يوم الصبح الثاني , ولا افتح الدريشة قلت بشوف نور الشَمس والبحر 3> , واشوف التالي ...
تضايقت , قلت حمني اخوي الله يهداه وين موديني ==" , ما عجبني الوضع ابدًا , والمكان ابدًا ما يدل ع ان فيه حياه ×_×" , هدوء صاخب وجذي , ماعجبني الوضع ابدًا , قلت يالله ما عليه بقعد ع النت بالفندق طول هل 8 ايام ._. > ممن الأحباط xDD
طبعا بعدين حمني طلعني واكتشفت ان اليوم بس الجو جذي >_> ولا دايمًا المكان مشمس حلو 3> , و وداني اسوقة وجذي @_@ حمسني للمكان وايد , هذي صور من اول يوم ..
اول شيء رحت هل مكان اسمه دكتور فش , مفتوح بالكويت مؤخرًا , طبعا سويته علشان بريلي في مسامير قدم , وفعلًا السمج
اكل الجلد الميت و ريحني وايد 3>
رحنا صوب هل اماكن , نفس ممشى على البحر طالع وهذا مكان تاريخي تتميز فيه الجزيرة ._. وفيه شكثر ناس كل يوم بس احنا
هل يوم علشان كان الجو مغيم , بس احنا ك اول يوم قلنا خل نروح نسكتشف المكان بروحنا بدون ازعاج احسن -_-
صورة ع احد الصور التاريخية , > مبين علي التعب ._.
اول يوم وجولة سريعة حول المَدينة .. نشوف وين المحلات وين الناس عايشين وجذي ._.
وجذي تَم اليوم الأول وكان من الأحلى الأيام ع الرغم من الجو 3>
ثاني يوم رحنأ متحف , صورت صور بس ما عجبني وايد -.- يعني كان مُمل نوعًا ما
بس يورينا الحيوانات المَوجودة في الجبال إلي نشوفها , طبعا كان في جبل ثلج بخاطري اروح له
3 ساعات بالسيارة ._. , بس حبطوني لما شفت الدببة المفترسة هناك , ف قلنا ما بنروح ..
من اليوم الثاني صورت صورة وانا بطريجي للبيت ^.^ > من المَتحف ..
هم الجو ما كان حلو بهذا اليَوم , يعني والله مادري شلون كنا مستحملين الجو اول يومين انصدمت اصلًا وانا اشوف الصور @_@ xD
ثالث يَوم الجو صار حلو , وطلعت الشَمس عدل , ف قلنا بنروح نتمشى بذاك الممشى , وطبعا شكثر ناس هناااك عالم @_@
كلا يتمشون , ويا كثر الحبايب إلي مع بعض , اصلًا المدينة كلها حبايب , شيء يرفع الضغط -_- بس الله يوفقهم 3>
هذي صورة من ثالث يوم شلون كان البَحر , ~
جو جَميل صح ؟! كان ودي اتسبح *^* ااخ بس لو كان الصيف .. ~
وبعدين بنفس هل يوم قابلنآ آصدقاء لَآخوي حمني , كان وقت حلو ومتتع ^.^
اليوم الرابع ..
صرت انام وايد من هل يوم ._. ,, يعني تعودت ع المكآن وبديت شوي امل لآنه جزيرة و رايحين مَدينة وحدة
ولا حتى بنحرك لجبال الثلج =-= , ف قمت تغديت وصورت الغدآ ..
من احلى الأكلات إلي اكلتها بالمُكآن هناك , كان خبز مصري بس اخف منه شوي , وداخلة بطآط مقلي ودجاج مقلي , وبصوص
بطعم الجبن , والله حيل حيل حيل حيل كان حلو ×_× , وفي بعد اكل حبيته واهو صمون مشوي داخله بُطآط مقلي ودجآج مشوي , هذا اكل بعد عذبني وجَنني $_$ , ااخ اكلهم وايد حلو 3>
وبعدين رحنآ قعدنآ عند هل كنيسة , الجو فيها وايد حماس وجميل , يعني هدوء واطفال يلعبون , قعدنا تقريبًا 4 ساعات هناك , والله جو ممتع جِدًا جِدًا 33>
والله حيل وناسة , وهذي بعض الصَور إلي صورتها بذاك المكان ^.^
جميل الجو صح ^.^ ؟ هع ~ وبعدين رجعت البيت وتعشيت برا مادري بأي مطعم ._.
ويوم آخر قمنآ متآخر , ف قلنا بناكل بمطعم يمنآ , كان في مطعم بالفندق المقابل لنا يطل ع البَحر
من الدور الثالث اعتقد ._. وناسة كان حلو جو المَطعم ..
ما صورت عَدل ع اليسار كان احلى -.- !
يوم آخر " السادس " , بس اهني خلاص حسيت بأني مليت من المَكآن ._.
بهل يوم بس طبعت للاكل , وشَسمه شريت اشياء تذكارية ماني حاط منها شيء ناو 3>
وبعدين قعدنآ بالكنيسة , الجو كان حلو وايد ^.^ صورت هل صورة لفتاه ما ._.
آمآ آخر يوم الجو كان سووووووووووبر آبدآآآع , شَمس حلوة وغيوم صافية نَقية ملطخة بالسمآء الزرقاء 3>
وبالأخير احب اختم هَل مُدونة الطويلة بأفضل مشروب صادفته برحلتي القصيرة لليونان ._. إلا وهو مشروب حليب الككاو ملكو xD
والله شكثر شربت منه صرت مدمن عليه @_@ عجيب حيل حيل حيل حيل 3> بشتري جم عبوة زيادة للكويت > كف
بالنسبة للذكريآت الأسبوعية مع الآغاني في التدوينة القادمة , طبعا هل شيء يخصني ف من يهتم ._. !
3 songs ..
